महात्मा फुले महाविद्यालयात छत्रपती संभाजी महाराज यांची जयंती साजरी

अहमदपूर (गोविंद काळे) : येथील महात्मा फुले महाविद्यालयांमध्ये राष्ट्रीय सेवा योजना व सांस्कृतिक विभागाच्या वतीने प्राचार्य डॉ. वसंत बिरादार पाटील यांच्या मार्गदर्शनाखाली धर्मवीर, शूरवीर, प्रकांड पंडित छत्रपती संभाजी महाराज यांची जयंती मोठ्या उत्साहात साजरी करण्यात आली. याबाबतचे सविस्तर वृत्त असे की, या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. दुर्गादास चौधरी हे होते तर प्रो.डॉ. अनिल मुंढे यांची प्रमुख उपस्थिती होती. यावेळी छत्रपती संभाजी महाराज यांच्या प्रतिमेला पुष्प अर्पण करून अभिवादन करण्यात आले. तर, अध्यक्षीय समारोप उपप्राचार्य डॉ. दुर्गादास चौधरी यांनी केला. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.बब्रुवान मोरे यांनी केले तर आभार राष्ट्रीय सेवा योजनेचे कार्यक्रम अधिकारी डॉ. पांडुरंग चिलगर यांनी मानले. यावेळी डॉ. मारोती कसाब, प्रो. डॉ. नागराज मुळे, प्रो. डॉ. अभिजित मोरे, डॉ. संतोष पाटील , प्रशांत डोंगळीकर, वामन मलकापुरे, शिवाजी चोपडे, चंद्रकांत शिंदे शिंपी यांच्यासह महाविद्यालयातील प्राध्यापक, कार्यालयीन कर्मचारी व विद्यार्थी उपस्थित होते.