अहमदपूर येथे धर्मवीर छत्रपती संभाजीराजे यांची जयंती उत्सवात साजरी

अहमदपूर (गोविंद काळे) : छत्रपती शिवाजी महाराज आणि सईबाई यांचे थोरले चिरंजीव तथा स्वराज्याचे धाकले धनी छत्रपती संभाजीराजे यांची जयंती अहमदपूर येथे मोठ्या उत्साहात साजरी करण्यात आली. शहरातील लातूर- नांदेड राष्ट्रीय महामार्गावरील राजे संभाजी चौकात माजी मंत्री विनायकराव पाटील यांच्या हस्ते छत्रपती संभाजीराजे यांच्या प्रतिमेचे पूजन करून पुष्पहार अर्पण करण्यात आला. महापराक्रमी शुरविर महानयुद्धा, स्वराज्य रक्षक धर्मवीर छत्रपती संभाजीराजे यांची 365 वी जयंती मोठ्या उत्साहात साजरी करण्यात आली. यावेळी भारतीय जनता पक्षाचे प्रदेश उपाध्यक्ष तथा माजी मंत्री विनायकराव पाटील, लहू पाटील, अँड.अमित रेड्डी, दिपक माने, भिमराव कदम, डॉ.गजानन माने, गोविंदराव गिरी, नगरसेवक राहुल शिवपुजे, राजू खंदाडे, मुकेश पाटील, साईनाथ पाटील, सुदर्शन पाटील, जगदीश जाधव, राजू मरवले, बालाजी उचेकर, बालासाहेब कदम, सुनील श्रीरामे,बाशिदखा पठाण, उद्धव कांडणगिरे, प्रशांत मुळे,शाम यादव, अमोल राठोड, विष्णु पौळ, वैभव बल्लोरे, बाळू गुंडरे यांच्या सह अनेकजण उपस्थित होते.