माजी पंतप्रधान राजीव गांधी यांना महात्मा फुले महाविद्यालयात अभिवादन

अहमदपूर (गोविंद काळे) : आधुनिक भारताच्या तंत्रज्ञान युगाचे शिल्पकार माजी पंतप्रधान राजीव गांधी यांच्या स्मृतिदिनानिमित्त त्यांना येथील महात्मा फुले महाविद्यालयात विनम्र अभिवादन करण्यात आले. याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या अध्यक्षतेखाली झालेल्या या कार्यक्रमाला नांदेड येथील सामाजिक कार्यकर्त्या शकिला शेख, महाविद्यालयाचे उपप्राचार्य डॉ. दुर्गादास चौधरी यांची प्रमुख उपस्थिती होती. यावेळी बोलताना प्राचार्य डॉ. वसंत बिरादार पाटील म्हणाले की, माजी पंतप्रधान राजीव गांधी यांनी भारतात माहिती तंत्रज्ञानाची क्रांती घडवून आणली. त्यांचे बलिदान देशासाठी प्रेरणा देत राहील असेही ते म्हणाले. यावेळी उपस्थित सर्वांनी दहशतवाद विरोधी व हिंचाचार विरोधी शपथ घेतली. या कार्यक्रमाचे प्रास्ताविक व सूत्रसंचालन सांस्कृतिक विभागप्रमुख डॉ. बब्रुवान मोरे यांनी केले तर आभार प्रदर्शन डॉ. मारोती कसाब यांनी केले. यावेळी महाविद्यालयातील सर्व प्राध्यापक व कर्मचारी, विद्यार्थी उपस्थित होते.