लोकनेते विलासराव देशमुख क्रिकेट चौम्पियन स्पर्धेत उदगीर सर्व प्रथम
उदगीर (प्रतिनिधी) : लातूर येथे आयोजित ‘लोकनेते विलासराव देशमुख क्रिकेट चॅम्पियनशिप: ग्रामीण- टी 10’ या जिल्हास्तरीय स्पर्धेत उदगीर संघाने प्रथम क्रमांक पटकावत स्पर्धेवर आपली मोहोर उमटवली. या संघासह द्वितीय क्रमांक मिळवलेल्या चाकुर संघाचे आणि तृतीय क्रमांक मिळवलेल्या लातूर शहर संघाचे आ.धीरज देशमुख यांनी अभिनंदन केले.
क्रीडा संकुलाच्या मैदानावर तरुणाईच्या जल्लोषात माजी मंत्री तथा सहकारमहर्षी दिलीपरावजी देशमुख यांच्या हस्ते व आ.धीरज देशमुख यांच्या प्रमुख उपस्थितीत विजेत्या संघांना पारितोषिक व चषक प्रदान करण्यात आले. माजी मुख्यमंत्री विलासराव_देशमुख यांच्या जयंतीचे औचित्य साधून तालुका आणि जिल्हा स्तरावर ही स्पर्धा घेतली गेली.
लातूर शहर आणि जिल्ह्यातील सर्व तालुक्यातून स्पर्धेला तरुणाईचा उत्स्फूर्त प्रतिसाद मिळाला. यात तब्बल ४०० संघ आणि ६ हजारहून अधिक तरुण सहभागी झाले, याचा मला मनापासून आनंद आहे,असेही आ.धीरज देशमुख यांनी सांगितले. ही स्पर्धा तरुणांना प्रोत्साहन देणारी, त्यांच्यातील उमेद वाढवणारी ठरली. त्यामुळे या स्पर्धेचे सातत्य कायम राहील. शिवाय, पुढील वर्षी मुलींसाठी जिल्हास्तरावर अशाप्रकारची क्रिकेट स्पर्धा घेतली जाईल, असे ही यावेळी जाहीर केले.
उदगीर संघाचे आभिनंदण आणि कौतुक लातूर जिल्हा युवक काँग्रेसचे जिल्हा आध्यक्ष युवा नेते विजयभैया राजेश्वर निटूरे यांनी केले.
उदगीरचे खेळाडूंनी उदगीरचे नावलोकिक केला आहे.भविष्यात उदगीर मध्ये आणखीन सुविधा उपलब्ध करून दिल्या जातील असे आश्वासन दिले आहे.
About The Author
