उजना सरपंचपदी कमलाकर शेकापुरे यांची बिनविरोध निवड

अहमदपुर (गोविंद काळे) : तालुक्यातील उजना येथील ग्रामपंचायतीच्या सरपंचपदी कमलाकर शेकापुरे तर उपसरपंचपदी महेबुबी सय्यद यांची बिनविरोध निवड झाली आहे. अकरा सदस्य संख्या असलेल्या ग्रामपंचायतीत कमलाकर शेकापुरे यांच्या कै.रामराव भिवाजी पाटील ग्रामविकास पँनलला आठ जागेवर विजय मिळाला होता. दरम्यान आज सोमवार दि.८ फेब्रुवारी सकाळी १० वाजता अध्यासी अधिकारी बी.बी. तवर यांच्या अध्यक्षतेखाली झालेल्या बैठकीत सरपंच, उपसरपंच पदासाठी एक-एकच अर्ज आल्याने सरपंच, उपसरपंचाची निवड बिनविरोध झाल्याचे अध्यासी अधिकारी बी.बी. तवर यांनी सांगीतले. यावेळी ग्रामसेवक कदम, तलाठी सौ.व्ही.एच.चोंडेकर उपस्थित होते. सरपंच, उपसरपंच निवडीनंतर फटाके फोडुन नुतन पदाधिकारी यांचा सत्कार करण्यात आला. यावेळी ग्रामस्थ उपस्थित होते.