महात्मा फुले महाविद्यालयात कारगिल विजय दिन साजरा
अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने 23 जुलै हा दिवस कारगिल विजय दिन म्हणून साजरा करण्यात आला. याबाबतचे सविस्तर वृत्त असे की, कारगिल विजय दिन व संत शिरोमणी नामदेव महाराज यांच्या पुण्यतिथीच्या कार्यक्रमाच्या अध्यक्षस्थानी महाविद्यालयाची प्राचार्य डॉ.वसंत बिरादार पाटील हे होते तर उपप्राचार्य डॉ. दुर्गादास चौधरी यांची प्रमुख उपस्थिती होती. यावेळी कारगिल विजयदिना निमित्त भारत मातेच्या प्रतिमेस पुष्प अर्पण करून शहिदांना श्रद्धांजली अर्पण करण्यात आली. तसेच, संत शिरोमणी नामदेव महाराज यांना पुण्यतिथीनिमित्त अभिवादन करण्यात आले. या कार्यक्रमाचा अध्यक्षीय समारोप प्राचार्य डॉ. वसंत बिरादार पाटील यांनी केला. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.बब्रुवान मोरे यांनी केले तर आभार राष्ट्रीय सेवा योजनेचे कार्यक्रम अधिकारी डॉ. पांडुरंग चिलगर यांनी मानले. यावेळी प्रो. डॉ. अनिल मुंढे, डॉ.सतीश ससाणे, प्रो.डॉ. अभिजीत मोरे, डॉ.पी.पी.चौकटे, प्रा.अतिश आकडे, डॉ. संतोष पाटील, डॉ. सचिन गर्जे, डॉ.डी.एन.माने, कार्यालय प्रमुख प्रशांत डोंगळीकर, शिवाजी चोपडे चंद्रकांत शिंदे यांच्यासह महाविद्यालयातील प्राध्यापक व कार्यालयीन कर्मचारी उपस्थित होते.
About The Author
