बिर्ला ओपन माईंड इंटरनॅशनल स्कूल मध्ये रक्षाबंधन साजरी

लातूर (प्रतिनिधी) : लातूर शहरातील बिर्ला ओपन माईंड इंटरनॅशनल स्कूल मध्ये रक्षाबंधन सण उत्साहात साजरा करण्यात आला. रक्षाबंधन कार्यक्रमात शाळेतील सर्व लहान आणि मोठ्या मुलींनी अगोदर शाळेतील झाडांना राखी बांधून साजरी केली. तसेच शहरात असलेल्या शिवाजी नगर पोलीस स्टेशन, गांधी चौक पोलिस स्टेशन, मिलर्टी कॕम्पस आणि विवेकानंद हॉस्पिटल या चार ठिकाणी रक्षाबंधन साजरी करण्यात आली. यावेळी हॉस्पिटलमधील डॉक्टर, कर्मचारी या सर्वांनीच विद्यार्थ्यांकडून राखी बांधून घेऊन त्यांना आर्शिवाद दिले त्यांना विविध भेटवस्तू देऊन त्यांचे कौतुक केले. रक्षाबंधन साजरी करण्यासाठी शाळेतील सर्व विद्यार्थी, शिक्षक आणि शिक्षकेतर कर्मचाऱ्यांनी परिश्रम घेतले.