वैजनाथ बदनाळे यांच्या उत्कृष्ट कार्यामुळे तहसीलदारांच्या हस्ते गौरव

उदगीर (प्रतिनिधी) : उदगीर नगरपालिकेतील कार्यतत्पर कर्मचारी वैजनाथ बदनाळे यांनी निवडणूक प्रक्रियेच्या अनुषंगाने तहसील प्रशासनाने सोपऊन दिलेली जबाबदारी बी एल ओ म्हणून उत्कृष्टपणे त्यांनी पार पाडली आहे. सर्वसामान्य नागरिकांना मतदारसंघात आधार कार्ड लिंक करण्याची फक्त सूचना करून किंवा कल्पना देऊनच नाही तर स्वतः घरोघर जाऊन आपल्याला दिलेल्या प्रभागातील सर्व नागरिकांचे आधार कार्ड मतदार कार्डची लिंक करून देऊन, उत्कृष्ट कार्य केल्याबद्दल उदगीर चे तहसीलदार रामेश्वर गोरे यांनी वैजनाथ बदनाळे यांचा सत्कार करून गौरव केला आहे.

कर्मचाऱ्यांनी केलेल्या चांगल्या कामाचा गौरव झाल्यास कर्मचाऱ्यांना उत्साह येतो. या भावनेने तहसीलदार रामेश्वर गोरे यांनी नगरपालिकेतील उत्कृष्ट कार्य करणाऱ्या कर्मचाऱ्यांचा गौरव करून त्यांना काम करण्याची प्रेरणा दिली आहे. या सत्कारामुळे आपल्याला एक सकारात्मक ऊर्जा प्राप्त झाली. आणि या कामासाठी उदगीरच्या जनतेने आणि आपल्या सहकारी कर्मचाऱ्यांनी आपल्याला सहकार्य केल्याचे मत वैजनाथ बदनाळे यांनी व्यक्त केले आहे.