आ. बाबासाहेब पाटील यांच्या हस्ते पुरस्कारांचे वितरण!

अहमदपूर (गोविंद काळे) : पंचायत समिती येथे ग्रामविकास विभाग राज्य व्यवस्थापक कक्ष ग्रामीण गृहनिर्माण महाआवास अभियान पुरस्कार, प्रधानमंत्री आवास योजना ग्रामीण व राज्यपुरस्कृत ग्रामीण आवास योजना तालुकास्तरीय पुरस्कार सोहळ्याचे आयोजन करण्यात आले होते. यावेळी अहमदपूर चाकूर मतदारसंघाचे आमदार बाबासाहेब पाटील यांच्या हस्ते विजेत्यांना पुरस्कार प्रदान करण्यात आला. प्रसंगी आमदार यांनी पुरस्कार विजेत्यांचे अभिनंदन करत कौतुक केले.यावेळी गटविकास अधिकारी अमोलकुमार अंदेलवाड, जिल्हा उपाध्यक्ष शिवानंद हेंगणे, महेश अर्बन बँकेचे उपाध्यक्ष निवृत्तीराव कांबळे, जि. प सदस्य माधवराव जाधव, माजी सभापती शिवाजीराव खांडेकर, गटशिक्षणाधिकारी ढोकाडे , तालुका आरोग्य अधिकारी दासरे, ऍड सादिक शेख, चंद्रकांत गंगथंडे, धनराज बोडके, बाळु पवार, नारायण सुर्यवंशी, सर्व सरपंच, ग्रामसेवक, ऑपरेटर कर्मचारी, पत्रकार आदी मान्यवर उपस्थित होते.