संत ज्ञानेश्वर विद्यालयात हिंदी दिन मोठ्या उत्साहात साजरा

अहमदपूर (गोविंद काळे) : येथील संत ज्ञानेश्वर प्राथमिक व माध्यमिक विद्यालयात हिंदी दिन मोठ्या उत्साहात साजरा करण्यात आला. याप्रसंगी कार्यक्रमाचे अध्यक्षा मीनाक्षी तोवर आणि प्रमुख पाहुणे म्हणून विस्तार अधिकारी बालाजी शिंदे, इनरव्हील क्लबच्या अध्यक्षा ऍड. सुवर्णा महाजन, उपस्थित होत्या तसेच लीनेस क्लबच्या सचिव पुष्पा ठाकूर, कोषाध्यक्षा शिला घाटोळ, सदस्या अर्चना घाटोळ, वंदना केंद्रे, राजेश्री कोरनूळे, जनाताई शिंदे, ज्योती चव्हाण, संगिता पाटील उपस्थित होत्या या कार्यक्रमाचे प्रास्ताविकातून हिंदी दिनाचे महत्त्व हिंदी शिक्षिका अर्चना जांभळदरे यांनी सांगितले तसेच भानुदास माने सरांनी मनोगत व्यक्त केले.याप्रसंगी वर्ग 1 ते 10 च्या विद्यार्थ्यांनी हिंदी भाषेतून नाटिका, मुक अभिनय, गीतगायन, भाषण अशा वेगवेगळ्या स्पर्धा घेतल्या यामध्ये खूप विद्यार्थ्यांनी सहभाग घेतला या स्पर्धेचे परीक्षक म्हणून प्राजक्ता भोसलें मॅडम आणि सोनिका पवार यांनी उत्कृष्ट असं परीक्षण करून निकाल जाहीर केला विद्यार्थ्यांना लीनेस ग्रुप कडून बक्षीस देण्यात आले.तसेच बालाजी शिंदे सरांनी विद्यार्थ्यांना मार्गदर्शन केले विद्यार्थी दशेमध्ये जिद्द, चिकाटी, आणि मेहनत केली तर तुम्ही जीवनात नक्की यशस्वी होणार असे मत व्यक्त केले. त्यांनी आपल्या भाषणातून शाळेचे आणि विद्यार्थ्यांचे खूप खूप कौतुक केले आणि शाळेला त्यांनी बक्षीस सुद्धा दिले. या कार्यक्रमाचे सूत्रसंचलन वर्ग नववीची विद्यार्थिनी निवेदिता कोकणे हिने केले व आभार लिनेस ग्रुपच्या सदस्य अर्चना घाटोळ यांनी मानले कार्यक्रमाची सांगता पसायदानाने करण्यात आली.