महेश अर्बन बँकेत मराठवाडा मुक्ती संग्राम दिन उत्साहात साजरा

अहमदपूर (गोविंद काळे) : अहमदपूर येथील महेश अर्बन को.ऑप. बँकेच्या प्रांगणात मराठवाडा मुक्ती संग्राम दिना निमित्त ध्वजारोहण करून साजरा करण्यात आला. यावेळी तसेच महापुरुष महामानव डॉ. बाबासाहेब आंबेडकर, राष्ट्रपिता महात्मा गांधी व स्वामी रामानंद तिर्थ यांच्या प्रतिमेस महेश बॅंकेचे उपाध्यक्ष निवृत्तीराव कांबळे व कृषी उत्पन्न बाजार समितीचे सभापती तथा महेश बँकेचे संचालक शिवानंद हेंगणे यांनी पुष्पहार घालून आदरांजली वाहण्यात आली.

यावेळी बँकेच्या वतीने मेजर डॉ.मधुसुधन चेरेकर, सेवानिवृत्त कॅप्टन महादेव शिरसाठ, सेवानिवृत्त सुभेदार मेजर तथा तालुका संघटना अध्यक्ष शिवाजी नलवाड , हवालदार पिराजी तुडमे, हवालदार कराड भानुदास, नाईक नंदकुमार सोमवंशी, नाईक शिवराम शिरसाठ, नाईक सुभाष मुंडे आदी माजी सैनिकांचा बँकेच्या वतीने सत्कार करण्यात आला. यावेळी महेश बँकेचे उपाध्यक्ष निवृत्तीराव कांबळे, कृषी उत्पन्न बाजार समितीचे सभापती तथा महेश बॅंकेचे जेष्ठ मार्गदर्शक संचालक शिवानंद हेंगणे, महेश बँकेचे संचालक डि.के. जाधव, राष्ट्रवादीचे जिल्हा सरचिटणीस उद्धवराव हालसे, उपाध्यक्ष तानाजी राजे, सलीम सय्यद, महेश बँकेचे प्र. व्यवस्थापक प्रशांत मांडवकर, शाखाधिकारी अविनाश देशमुख, सिनिअर ऑफीसर संतोषकुमार तपासे, उदगीर शाखेचे शाखाधिकारी प्रदीप उगीले, लोहा शाखेचे शाखाधिकारी सुरेश शेळके यांच्यासह बँकेचे सर्व अधिकारी, कर्मचारी, पिग्मी एजंट आदींची उपस्थिती होती. कार्यक्रमाचे सुत्रसंचलन संभाजी चोपणे यांनी तर आभार बँकेचे उपाध्यक्ष निवृत्तीराव कांबळे यांनी मानले.