महात्मा फुले महाविद्यालयात मराठवाडा मुक्ती संग्रामदिन व विद्यापीठ वर्धापन दिन साजरा

अहमदपूर (गोविंद काळे) : येथील महात्मा फुले महाविद्यालयात मराठवाडा मुक्ती संग्रामदिन व स्वामी रामानंद तीर्थ मराठवाडा विद्यापीठ वर्धापन दिन मोठ्या उत्साहात साजरा करण्यात आला. यावेळी महाविद्यालयाच्या प्रांगणात प्राचार्य डॉ. वसंत बिरादार पाटील यांच्या हस्ते ध्वजारोहण करण्यात आले. तसेच यावेळी प्राचार्य डॉ वसंत बिरादार पाटील यांच्या अध्यक्षतेखाली व देवाषिश दुर्गादास चौधरी यांच्या प्रमुख उपस्थितीत महाराष्ट्रातील थोर प्रबोधनकार केशव सीताराम ठाकरे यांची जयंती साजरी करण्यात आली. या कार्यक्रमाचे प्रास्ताविक सांस्कृतिक विभागप्रमुख डॉ. बब्रुवान मोरे यांनी केले. सूत्रसंचालन क्रीडा विभाग प्रमुख प्रो. डॉ. अभिजीत मोरे यांनी तर आभार प्रदर्शन राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी केले. याप्रसंगी महाविद्यालयातील सर्व प्राध्यापक, कार्यालयीन कर्मचारी व विद्यार्थी मोठ्या संख्येंने उपस्थित होते.