लालबहादूर शास्त्री विद्यालयाचे घवघवीत यश

उदगीर (एल.पी. उगिले) : शिवछत्रपती युवक गणेश मंडळातर्फे घेण्यात आलेल्या विविध स्पर्धेत लालबहादूर शास्त्री विद्यालय उदगीरच्या विद्यार्थ्यांनी घवघवीत यश मिळवले आहे.वेशभूषा स्पर्धेत संस्कृती सूर्यवंशी द्वितीय, वैष्णवी निलंगे द्वितीय, माहेश्वरी महाजन चतुर्थ,गायन स्पर्धेत हर्षवर्धन सूर्यवंशी याने सर्वप्रथम क्रमांक प्राप्त केला आहे.

उपविभागीय अधिकारी प्रवीण मेंगशेट्टी, डी वाय एस पी डॅनियल बेन, पोलीस निरीक्षक गोरख दिवे,पोलीस उपनिरीक्षक एडके सर, सतीश पाटील, मदन पाटील, नीता मोरे यांच्या हस्ते बक्षीस पात्र विद्यार्थ्यांचा सत्कार करण्यात आला. या यशस्वी विद्यार्थ्यांना नीता मोरे, प्रीती शेंडे यांचे मार्गदर्शन लाभले.

त्यांच्या या यशस्वीतेबद्दल स्थानिक समन्वय समितीचे अध्यक्ष मधुकरराव वट्टमवार, कार्यवाह तथा केंद्रीय कार्यकारी समिती सदस्य शंकरराव लासूने, माध्यमिक शालेय समितीचे अध्यक्ष सतनप्पा हूरदळे, मुख्याध्यापक प्रदीप कुलकर्णी, उपमुख्याध्यापक अंबादास गायकवाड, पर्यवेक्षक बलभीम नळगीरकर, लालासाहेब गुळभिले, माधव मठवाले, अभ्यास पूरक मंडळ प्रमुख बालाजी पडलवार, विनायक इंगळे यांनी कौतुक केले.