महर्षि पतंजली योग विद्यालय, शाखा अहमदपूर येथे सामूहिक १०८ सूर्यनमस्कारांचा कार्यक्रम
अहमदपूर (गोविंद काळे) : महर्षि पतंजली योग विद्यालय, शाखा अहमदपूर येथे सामूहिक १०८ सूर्यनमस्कारांचा कार्यक्रम घेण्यात आला. कार्यक्रमाचे आयोजन विद्यालयाचे संचालक श्री. सागर कुलकर्णी व संचालिका सौ.अंजली सागर कुलकर्णी यांनी केले होते. आयोजकांसह या कार्यक्रमात योगरत्न डाॕ. मेजर मधुसूदन चेरेकर; श्रीमती शिल्पा हंगरगे; सौ.दयावती हिंगरुपे, सौ.वृषाली अनिल चवळे, सौ,पुष्पा ठाकूर; श्री.सूर्यकांत मोरे, श्री.शंकर घाडगे; कुमारी शर्वरी शंकर घाडगे; श्री.शुभम् ठाकूर, श्री.प्रमोद वालेवाडीकर; महिला पतंजली योगसमितीच्या अध्यक्षा सौ.पुष्पा ठाकूर; श्री. धनञ्जय उजनकर, चि. अभिजीत धनञ्जय उजनकर यांनी सहभाग नोंदवला. अहमदपूर येथील योगाचे वरिष्ठतम आचार्य सौ कलावती व श्री. शिवमूर्ती भातांब्रे गुरुजी हेही कार्यक्रमास उपस्थित होते. १०८ सूर्यनमस्कारानंतर भातांब्रे गुरुजींनी योगनिद्रेचा अभ्यास घेतला.सर्वांनी अर्धा तास मंगल मैत्री साधनेचा अभ्यास केला. भातांब्रे गुरुजींनी सर्वांना प्रेमाशिर्वाद दिले व त्यांचे प्रसिद्ध चिंतन पत्रक प्रसाद म्हणून सर्वांना दिले. हा कार्यक्रम आयोजित केल्याबद्दल सौ.अंजली व श्री. सागर कुलकर्णी यांचे सर्वत्र कौतुक होत आहे. या विद्यालयासाठी ह.भ.प.डाॕ. पांडुरंग कदम यांनी माॕडेल इंग्लिश स्कूलच्या चौथ्या मजल्यावर जागा दिली आहै त्याबद्दल सर्व योगसाधकांनी त्यांच्याविषयी कृतज्ञता व्यक्त केली आहे.
About The Author
