अवलकोंडा पाटी येथे घटस्थापना

उदगीर (एल.पी.उगिले) : उदगीर- नळगीर मार्गावरील अवलकोंडा शिवारात कालिकामाता ध्यान योग प्रतिष्ठानच्या वतीने कालिकामाता देवी मंदिरात घटस्थापना करण्यात आली.
नवरात्र महोत्सवास प्रारंभ झाला असून उदगीर- नळगीर मार्गावरील अवलकोंडा पाटीच्या शिवारात कालिकामाता ध्यानयोग प्रतिष्ठानच्या वतीने २००६ साली कालिकामाता देवीची प्रतिष्ठापना करण्यात आली आहे.

अतिशय रमणीय परिसरात हे मंदिर उभारण्यात आले असून दर पोर्णिमेला याठिकाणी महाप्रसादाच्या कार्यक्रमाचे आयोजन केले जात आहे. नवरात्र महोत्सवास येथे प्रारंभ झाला असून नवरात्रामध्ये दैनंदिन पहाटे काकडा आरती, अभिषेक व महाप्रसादाच्या कार्यक्रमाचे आयोजन केले आहे. या देवीच्या दर्शनासाठी भाविकांची गर्दी वाढत आहे.