दीपसंध्या च्या संगीतसभेने दिवाळी कार्यक्रमाचा समारोप

उदगीर (एल.पी.उगीले) : येथील स्थानिक कलाकारांनी मातृभूमी महाविद्यालयात ता.३० रविवारी मातृभूमी प्रतिष्ठान शिक्षण प्रसारक मंडळ उदगीर यांच्या वतीने स्वरानंद मुजिकल ग्रुप यांनी सादर केलेल्या दीपसंध्या संगीत सभेने दिवाळी कार्यक्रमाचा समारोप करण्यात आला . यावेळी माजी नगराध्यक्ष बस्वराज बागबंदे, ॲड. दत्ता पाटील , भाजप प्रदेश प्रवक्ते शिवानंद हैबतपुरे , मनसे जिल्हाध्यक्ष संजय राठोड , यशवंत पाटील , अमोल निडवदे , प्रमुख पाहुणे म्हणून उपस्थित होते . यावेळी मागील अनेक वर्ष संगीताची अखंड सेवा केल्या बद्दल गोपाळ जोशी यांचा सत्कार करण्यात आला .
शंकर पाचंगे यांनी कल्याण रागाने सुंदर अशी सुरुवात केली . हे सुरानो चंद्र व्हा , नित्य गोविंद गोविंद माझ्या मना लागो छंद , माझी रेणुका माऊली ,शोधिसी मानवा या गिताना रसिकांचा उत्स्फूर्त प्रतिसाद मिळाला .
‘ रोज आत्यचार होतो आरशावर आता ‘ या गझलने रसिकांची मने जिंकली . यावेळी कार्यक्रमात रंगत भरली ती ॲड. महेश मळगे यांच्या खुमासदार निवेदनाने . संतोष सूर्यवंशी , सार्थक स्वामी , बस्वराज शिवपुजे , शेजल स्वामी ,बालाजी कोपले , गौतम देगलूरकर , आणि जयंत गोडबोले या स्थानिक कलाकारांचा मान्यवरांच्या हस्ते सत्कार करण्यात आला .
यावेळी आयोजक सतीश उस्तुरे ( अध्यक्ष मातृभूमी प्रतिष्ठान ) , मलवाडे रामदास , संभाजी शिंदे ,प्रदीप महाजन , मुन्ना पेन्सलवार , प्रा.बिभीषण मद्देवाड , किरण होलसंब्रे , ओंकार कुलकर्णी , वसंत शिरसे , माजी प्राचार्य उषा तोंडचिरकर , दयानंद टाके , सुधीर पाटील , देवा डोंगरे यांच्यासह नागरिक उपस्थित होते .