बंटी उर्फ धीरज कसबे यांची युवक काँग्रेसच्या शहराध्यक्षपदी निवड

उदगीर (एल.पी.उगीले) : काँग्रेस पक्षाच्या वतीने युवक आघाडी जास्तीत जास्त प्रभावशाली कार्यरत करण्यासाठी खांदेपालट केले जाते आहे. तसेच अनेक कार्यक्षम युवा कार्यकर्त्यांना वेगवेगळ्या पदावर नियुक्ती देऊन, आगामी स्थानिक स्वराज्य संस्थांच्या निवडणुका दृष्टीसमोर ठेवून सक्रिय सहभाग वाढवण्यासाठी प्रयत्न केले जात आहेत. उदगीर येथील धीरज उर्फ बंटी पांडुरंग कसबे यांची निवड उदगीर विधानसभा युवक काँग्रेसच्या शहराध्यक्षपदी करण्यात आल्याचे पत्र युवक काँग्रेसचे लातूर लोकसभा अध्यक्ष विजय राजेश्वर निटूरे यांनी दिले आहे.
सदरील पत्रात लातूर जिल्ह्याचे ज्येष्ठ नेते सहकार महर्षी दिलीपरावजी देशमुख, माजी पालकमंत्री आ. अमित भैया देशमुख, आ. धीरज भैया देशमुख, प्रदेश काँग्रेसचे नेते राजेश्वरजी निटूरे, कुणाल जी राऊत यांच्या मार्गदर्शनाखाली काँग्रेस पक्षाचे विचार समाजातील शेवटच्या घटकापर्यंत पोहोचवण्यासाठी व युवकांचे संघटन वाढविण्यासाठी प्रयत्न करावेत. अशी अपेक्षा व्यक्त करण्यात आलेली आहे. आपली कार्यक्षमता विचारात घेऊन आपल्यावर नवीन जबाबदारी सोपवण्यात आम्हाला आनंद होत असल्याचेही त्यांनी नमूद केले असून सदरील जबाबदारी आपण निष्ठेने पार पाडाल. असा विश्वास व्यक्त केला आहे. धीरज उर्फ बंटी कसबे यांची निवड होताच, माजी पालकमंत्री आमदार अमित भैया देशमुख आणि प्रदेश काँग्रेसचे नेते राजेश्वरजी नीटुरे यांनी बंटी कसबे यांचे अभिनंदन करून त्यांना शुभेच्छा दिल्या आहेत.
याप्रसंगी सत्काराला उत्तर देताना बंटी उर्फ धीरज कसबे यांनी स्पष्ट केले की,पक्षश्रेष्ठींनी माझ्यावर जो विश्वास दाखवला आहे, तो विश्वास सार्थ ठरवण्यासाठी आपण सर्वतोपरी प्रामाणिक कार्य करू. आपले ज्येष्ठ नेते, पक्षश्रेष्ठी यांचा सन्मान वाढेल आणि संघटन बांधणी मध्ये आपले सहकार्य होईल. असा विश्वासही व्यक्त केला आहे.