आमदार संजय बनसोडे यांच्याकडुन स्वातंत्र्यसैनिक कै. पिराजी तोगरे यांच्या कुटुंबीयांचे सांत्वन

उदगीर (प्रतिनिधी) : जळकोट तालुक्यातील मौजे घोणसी येथील ज्येष्ठ स्वातंत्र्य सैनिक पिराजी महादू तोगरे यांचे परवाच वृध्दप काळाने निधन झाल्याचे वृत्त उदगीर – जळकोट मतदार संघाचे आमदार संजय बनसोडे यांना ही कळल्यानंतर त्यांनी थेट घोणसी ता.जळकोट येथील ज्येष्ठ स्वातंत्र्य सैनिक कै. पिराजी तोगरे यांच्या कुटुंबीयांची भेट घेऊन, मी आपल्या आपल्या दुःखात सहभागी असून ज्येष्ठ स्वातंत्र्य सेनानी पिराजी तोगरे यांचे निधन हे आपल्या कुटूंबियासाठी वेदनादायी असल्याचे सांगून या पुढील काळात मी आपल्या कुटुंबाच्या सुख – दुःखात सदैव आपल्या पाठीशी उभा असल्याचे सांगून त्यांच्या कुटुंबातील सदस्यांना आधार दिला.

यावेळी आमदार संजय बनसोडे यांच्यासोबत राष्ट्रवादी काँग्रेसचे जळकोट तालुकाध्यक्ष अर्जुन आगलावे, राष्ट्रवादी काँग्रेस उदगीरचे शहराध्यक्ष समीर शेख, राष्ट्रवादी काँग्रेस पक्षाचे प्रा. शाम डावळे, उदगीर पंचायत समितीचे माजी उपसभापती बाळासाहेब मरलापल्ले, घोणसी येथील दीपक आंब्रे व स्वातंत्र्य सैनिक कै. पिराजी तोगरे यांच्या कुंटुंबातील सदस्य व नातेवाईक उपस्थित होते.