अहमदपूर तालुक्यातील 42 पैकी 36 ग्रामपंचायती भाजपच्या ताब्यात

अहमदपुर (गोविंद काळे) : अहमदपूर तालुक्यातील ग्रामपंचायत सार्वत्रिक निवडणुकीत भाजपने एक तर्फी विजय मिळवत 42 पैकी 36 ग्रामपंचायती ताब्यात घेऊन अहमदपूर तालुका भारतीय जनता पक्षाचा बालेकिल्ला असल्याचे सिद्ध झाले आहे. तालुक्यात बहुतांश ग्रामपंचायत निवडणुकीत मोठी काट्याची व अटीतटीची लढत झाली. झालेल्या निवडणुकीत भाजप प्रेणीत पॅनलने एकतर्फी विजय मिळवत जल्लोष साजरा केला. नवनिर्वाचित लोकनियुक्त सरपंच व ग्रामपंचायत सदस्यांचा विजय घोषीत होताच येथील शासकीय विश्रामगृहाच्या समोर भारतीय जनता पक्षाचे प्रदेश उपाध्यक्ष तथा माजी मंत्री विनायकराव पाटील यांच्या पुढाकाराने सर्व विजयी उमेदवारांचा मोठ्या जल्लोषात सत्कार करण्यात आला.

भारतीय जनता पक्षाच्या वतीने सर्व नवनिर्वाचित सरपंच व ग्रामपंचायत सदस्यांचा सत्कार सोहळ्यात माजी मंत्री विनायकराव पाटील, माजी आमदार बब्रुवान खंदाडे, भाजपचे प्रदेश प्रवक्ते गणेश दादा हाके, जिल्हा परिषद सदस्य अशोक काका केंद्रे, अँड.आर.डी.शेळके,राजकुमार मजगे,जिवणकुमार मद्देवाड , भारतीय जनता पक्षाचे जिल्हा उपाध्यक्ष गोविंदराव गिरी, भाजपचे तालुकाध्यक्ष हणमंत देवकते, डॉ.सिद्धार्थकुमार सुर्यवंशी, माजी उपसभापती निळकंठ पाटील, राजकुमार खंदाडे, ज्ञानोबा बडगिरे, देविदास सुरनर, सुधीर गोरटे, रामभाऊ बेल्लाळे, पांडुरंग गलाले, संगम कुमदळे यांच्या सह भारतीय जनता पक्षाचे पदाधिकारी व कार्यकर्ते मोठ्या संख्येने उपस्थित होते. भारतीय जनता पक्षाला ग्रामपंचायत निवडणुकीत घवघवीत यश प्राप्त झाल्याने भाजपच्या पदाधिकाऱ्यांनी फटाक्यांची आतषबाजी करून गुलालाची उधळण करत विजयाचा मोठा जल्लोष साजरा करण्यात आला.