यशवंत विद्यालयाचा बास्केटबॉल चा संघ लातूर विभागात सर्वप्रथम
अहमदपूर (गोविंद काळे) : महाराष्ट्र राज्य क्रीडा व युवक संचनालय व जिल्हा क्रीडा अधिकारी लातूर कार्यालयाच्या वतीने घेण्यात आलेल्या विभागीय बास्केटबॉल स्पर्धा महात्मा गांधी महाविद्यालयाच्या प्रांगणामध्ये झाल्या त्यात सतरा वर्ष वयोगटातील मुलांच्या संघाने लातूर विभागात बास्केटबॉल च्या संघ सर्वप्रथम राहून यशवंत विद्यालयाच्या यशाची परंपरा कायम केल्याने त्यांचे सर्वच क्षेत्रातून अभिनंदन आणि कौतुक करण्यात येत आहे. 17 वर्ष वयोगातील मुलांच्या संघा ने लातूर विभागात प्रथम क्रमांक पटकावला आहे हा संघ राज्यस्तरीय बास्केटबॉल स्पर्धेसाठी पात्र ठरला आहे .या संघातील प्रणव मुस्तापुरे,मद्रे मयुरेश ,राहील सय्यद,अनुप पुणे या खेळाडूंनी नेत्रदीपक कामगिरी करून विजय मिळवून दिला
या स्पर्धा घेण्यासाठी तालुका क्रीडा अधिकारी जयराज मुंडे, महात्मा गांधी महाविद्यालयाचे क्रीडा विभाग प्रमुख डॉक्टर मनोज रेड्डी यांनी विशेष परिश्रम घेतले. या विद्यार्थ्यांना क्रीडा विभाग प्रमुख श्री संतोष कदम, दीपक हिंगणे, प्रभावती मिरजकर यांचे विशेष मार्गदर्शन लाभले होते. या नेत्रदीपक यशाबद्दल टागोर शिक्षण समितीचे अध्यक्ष डॉक्टर अशोक सांगवीकर, सचिव शिक्षण महर्षी डी बी लोहारे गुरुजी, मुख्याध्यापक व्ही व्ही गंपले, पर्यवेक्षक उमाकांत नरडेले, दिलीप गुळवे, राम तत्तापुरे, यांच्यासह शिक्षक व शिक्षकेतर कर्मचाऱ्यांनी अभिनंदन आणि कौतुक केले आहे.
About The Author
