श्री योगेश्वरीदेवी माध्यमिक विद्यालय, देवणी या शाळेची एक दिवसाची शैक्षणिक सहल संपन्न

देवणी (रणदिवे लक्ष्मण) : देवणी शहरातील श्री योगेश्वरीदेवी माध्यमिक व उच्च माध्यमिक विद्यालयातून शैक्षणिक सहल चाकुर येथे रवाना झाली होती. विद्यार्थ्यांमध्ये शैक्षणिक दृष्ट्या उत्साह निर्माण करणे म्हणजे शैक्षणिक सहल होय, कोविडच्या परिस्थितीमुळे गेले तीन वर्षापासून शैक्षणिक सहल वार्षिक स्नेहसंमेलन अशा विविध उपक्रमांना आपोआपच बंदी आली होती. परंतु यावर्षी सर्व नियम संपुष्टात आल्यामुळे श्री योगेश्वरीदेवी माध्यमिक शाळेने प्रथमच एक दिवसाची शैक्षणिक सहल काढून यशस्वी केली.

या सहलीसाठी अतिशय उस्फूर्तपणे विद्यार्थ्यांचा प्रतिसाद मिळाला. आई वडिलांना सोडून राहताना, ते सोबत नसतानाची अभिव्यक्ती स्वातंत्रपणे जाणवत होते. विद्यार्थ्यांमध्ये स्वावलंबी, आनंदी एक वेगळ्या प्रकारचे झलक दिसून आली. प्रत्येक गोष्टीत पालकांचा उत्साही सहभाग शालेय व्यवस्थापनावर दाखवलेला विश्वास खरोखरच कौतुकास्पद आहे. पालकांनी सर्व सूचनांचे पालन करून खूप छान सहकार्य केले. शैक्षणिक सहल असल्यामुळे लहान लहान विद्यार्थी सोबत होते, सोबत असणारी टीम यांच्यामुळे प्रत्येक गोष्टीसाठी काळजीपूर्वक लक्ष दिल्यामुळे सहल यशस्वी करण्यामध्ये कुठलीही कमतरता जाणवली नाही.यावेळी सहलीमध्ये प्रत्येक ठिकाणचा विद्यार्थ्यांनी पुरेपूर आनंद घेतला.

मुख्याध्यापक हरकंचे आर एम यांच्या मार्गदर्शनाने व शैक्षणिक सहल प्रमुख हुमनाबादे एन .बी. यांच्या नियोजनाने शैक्षणिक सहल यशस्वी आनंददायी पार पडली.या सहलीमध्ये विद्यार्थ्यांचा उत्साह वाढावा म्हणून शाळेतील शिक्षिका सौ. देवणीकर एस.एल. श्रीमती बिरादार एन डी , सूर्यवंशी टी व्ही , घोणसे ए. बी., बिराजदार वि. सी. , गरड एस. टी., सर्व वाहनचालक यांनी विद्यार्थ्यांमध्ये उत्साह निर्माण होण्यासाठी प्रयत्न करून विद्यार्थ्यांचे मनोरंजन केले.तर सोबत आलेले सेवक श्री शाम वाघमारे यांचेही खूप सहकार्य लाभले.