उदगीर अर्बन सहकारी बँकेच्या निवडणुकीत सहकार विकास पॅनलचे सर्व संचालक बिनविरोध

उदगीर (एल.पी.उगीले): तालुक्यातील सर्वात लोकप्रिय सहकारी बँक म्हणून सहकार क्षेत्रात विश्वासनीयता मिळवलेल्या उदगीर अर्बन बँकेची निवडणूक संस्थापक संचालक शिवाजीराव गुरुडे यांच्या नेतृत्वाखाली झाली. या निवडणुकीत सहकार विकास पॅनलचे सर्व संचालक बिनविरोध निवडून आले आहेत. अत्यंत प्रतिकूल परिस्थितीमध्ये या बँकेचे संस्थापक शिवाजीराव गरुडे यांनी लोकप्रियते सोबतच विश्वासहर्याता कमावून बँकेची प्रगती करून उदगीर शहरातच नव्हे तर पंचक्रोशीत बँकांच्या शाखा काढून मोठी प्रगती केली आहे. त्यांच्या कार्यावर विश्वास ठेवून सर्व सदस्यांनी ही निवड बिनविरोध केली आहे. निवडून आलेल्या सदस्यामध्ये शिवाजीराव गुरुडे, रुकमन पेनसलवार, सोनवणे नवनाथ, पाटील बालाजी, गुरमे बाळासाहेब, बाहेती कलपेश, महाजन उमेश, गुरूडे अनिरुध्द, पाटील भास्कर, धनुरे अंकेश, वाकुडे सुमित, पवार छाया, पेन्सलवार सरोजा यांची निवड झाली आहे. सर्व नूतन संचालकांचे शिवाजीराव गुरुडे यांनी स्वागत करून अभिनंदन केले आहे.