इनरव्हील क्लब व माहेर हाॅस्पिटलच्या वतीने रक्तदान शिबिर

उदगीर (एल.पी.उगीले) : महाराष्ट्राचे आराध्यदैवत छत्रपती शिवाजी महाराज यांच्या जन्मोत्सवानिमित्त इनरव्हील क्लब उदगीर व माहेर हाॅस्पिटल यांनी रक्तदान शिबिराचे आयोजन केले होते.

यावेळी माहेर हाॅस्पिटलच्या पुढाकाराने हे शिबिर आयोजित केले गेले, त्या डॉ. प्राजक्ता गुरुडे यांनी रक्तदान केले.रक्तदान हे जीवनदान आहे, यामधून आपण गरजू व्यक्तीचे प्राण वाचवू शकतो. केवळ रक्तच नव्हे तर रक्तातील प्लेट्सचाही गरजूंना लाभ होतो, आणि जो रक्तदाता आहे. त्याच्या मध्ये नवीन ताजे रक्त निर्मिती होते.असे मत त्यांनी व्यक्त केले.या प्रसंगी सौ. पल्लवी कुलकर्णी,सौ. राणी वैजापूरे,सौ. मीरा गुरुडे, कल्पना चौधरी आणि इनरव्हील क्लबच्या उपाध्यक्ष सौ. स्वाती गुरुडे,यांनीही रक्तदान केले. यावेळी इनरव्हील क्लबच्या अध्यक्षा सौ. मीरा चंबुले, कोषाध्यक्ष सौ. मानसी चन्नावार, सदस्य सौ. उषा कुलकर्णी उस्तुरे, डॉ. सौ. सोनल कांडगिरे,सौ. अश्विनी चामवाड यांची उपस्थिती होती.