डॉ. होमी भाभा बाल वैज्ञानिक परीक्षेत संत ज्ञानेश्वर विद्यालयाचे यश

अहमदपूर (गोविंद काळे) : येथील संत ज्ञानेश्वर विद्यालयाचा विद्यार्थी यशराज रमेश सूर्यवंशी वर्ग सहावा याची बृहन्मुंबई विज्ञान अध्यापक मंडळ आयोजित डॉ. होमी भाभा बाल वैज्ञानिक स्पर्धा 2022-23 च्या तिसऱ्या व चौथ्या स्तरासाठी निवड झाली आहे. विद्यार्थ्यांमध्ये सर्जनशीलता व वैज्ञानिक दृष्टिकोन ला चालना देण्यासाठी दरवर्षी राज्यस्तरावरून ही परीक्षा घेतली जाते. सदरील मुलाखत व कृती संशोधन सादरीकरण दिनांक 19 मार्च रोजी मुंबई येथे होणार आहे. यशराजला पुढील स्पर्धेसाठी सविता पाटील, कोमल मरेवाड, युवराज मोरे मार्गदर्शन करत आहेत. या यशाबद्दल संस्था अध्यक्ष गणेश दादा हाके पाटील ,संस्था सचिव प्राचार्य रेखाताई तरडे- हाके ,मुख्याध्यापिका आशा रोडगे, मुख्याध्यापक उद्धव शृंगारे सह सर्व शिक्षक व शिक्षकेतर कर्मचारी यांनी अभिनंदन व कौतुक केले आहे व पुढील परीक्षेसाठी शुभेच्छा दिल्या आहेत.