शिवाजी महाविद्यालयाच्या खेळाडूचा अखिल भारतीय आंतर विद्यापीठ स्पर्धेत सहभाग

उदगीर (एल.पी.उगीले) : गुरु काशी युनिव्हर्सिटी तलवानदी साबो बथिंडा (पंजाब ) येथे आयोजित अखिल भारतीय आंतर विद्यापीठ पॉवर लिफ्टिंग (पुरुष) स्पर्धेसाठी येथील शिवाजी महाविद्यालय उदगीर चा खेळाडू केंद्रे विष्णुकांत हरिराम बी ए तृतीय वर्ष यांनी स्वामी रामानंद तीर्थ मराठवाडा विद्यापीठ नांदेड संघाचे प्रतिनिधित्व केले. या खेळाडूच्या यशाबद्दल किसान शिक्षण प्रसारक मंडळाचे अध्यक्ष श्रीरंगराव पाटील, सचिव ज्ञानदेव झोडगे, कोषाध्यक्ष चामले नामदेव, महाविद्यालयाचे प्राचार्य डॉ. विनायक जाधव,उपप्राचार्य डॉ एस. व्ही. जगताप, उपप्राचार्य डॉ आर. एम. मांजरे,कनिष्ठ महाविद्यालयाचे उपप्राचार्य प्रा. विलास भोसले, पर्यवेक्षक प्रा. जी. जी. सूर्यवंशी, शिक्षक, व कार्यालयीन कर्मचारी, विद्यार्थी यांनी अभिनंदन केले. क्रीडा विभाग प्रमुख प्रा. नेहाल अहमद, प्रा. माने गजानन यांनी मार्गदर्शन केले.