आ. रमेशआप्पा कराड यांच्या हस्ते पाच कोटी रुपये खर्चाच्या विकास कामाचा लोकार्पण सोहळा आयोजित

लातूर (एल.पी.उगीले) : लातूर तालुक्यातील मौजे बामणी आणि भातांगळी या दोन गावातील पाच कोटी रुपये खर्चाच्या विविध विकास कामाचा भूमिपूजन आणि लोकार्पण सोहळा भाजपाचे जिल्हाध्यक्ष आ. रमेशआप्पा कराड यांच्या शुभहस्ते शनिवार दिनांक 11 मार्च 2023 रोजी आयोजित करण्यात आला आहे. शनिवारी सकाळी 9 वाजता भाजपाचे जिल्हाध्यक्ष आ. रमेशआप्पा कराड यांच्या शुभहस्ते बामणी येथे 1 कोटी 52 लक्ष रुपये खर्चाच्या जल जीवन मिशन अंतर्गत “हर घर नल, नल से शुद्ध जल” योजनेचे भूमिपूजन, सामाजिक न्याय विभागांतर्गत समाज मंदिर, बुद्ध विहार, पाईपलाईन, नाली बांधकाम, मूलभूत सुविधा योजनेअंतर्गत सिमेंट रस्ता, नाली बांधकाम, जाना नदीवरील पुलाचे बांधकाम, आमदार निधीतून खंडोबा मंदिर सभागृहाचे बांधकाम, जिल्हा वार्षिक योजनेतून कब्रस्तानचे कंपाउंड वॉल, नाली, रस्ता, पंचायत समिती पंधराव्या वित्त आयोगातून फेवर ब्लॉक,तांडा वस्तीतून सिमेंट रस्ता आदी कामाचे तसेच सकाळी 10 वाजता भातांगळी येथे 3 कोटी 48 लक्ष रुपये खर्चाच्या “जल जीवन मिशन” अंतर्गत “हर घर नल, नल से शुद्ध जल” योजना , सामाजिक न्याय विभाग अंतर्गत नाली रस्ता मूलभूत सुविधे अंतर्गत डांबरीकरण या कामाचे भूमिपूजन आणि आमदार निधीतून बांधण्यात आलेले समाज मंदिर, वार्षिक योजनेतून शाळा दुरुस्ती, प्राथमिक आरोग्य इमारत दुरुस्ती, अंगणवाडी बांधकाम, जिप आणि पंस 15 वित्त आयोगातून रस्ता नाली विद्युतीकरण सोलार, रस्ते विकास अंतर्गत भडी ते भातांगळी आणि भातांगळी ते चिकलठाणा रस्त्याचे लोकार्पण कार्यक्रमाचे आयोजन करण्यात आले आहे.

या कार्यक्रमास आ. रमेशआप्पा कराड यांच्या समवेत अनेक मान्यवर उपस्थित राहणार आहेत. तरी बामणी, भातांगळी गावातील आणि परिसरातील सर्व स्तरातील नागरिकांनी, भाजपा कार्यकर्त्यांनी मोठ्या संख्येने उपस्थित राहावे. असे आवाहन संयोजकाच्या वतीने करण्यात आले आहे.