भाजपाच्या तालुका उपाध्यक्षपदी मनोहर गटोडे यांची निवड

उदगीर (एल.पी.उगीले) : उदगीर तालुक्यातील बनशेळकी येथील ग्रामपंचायत सदस्य व भारतीय जनता पक्षाचे युवा कार्यकर्ते मनोहर प्रभुराव गटोडे यांची भारतीय जनता पार्टीच्या तालुका उपाध्यक्षपदी निवड तालुका अध्यक्ष बसवराज रोडगे यांनी केली आहे.सदरील निवडचे पत्र उदगीरचे माजी आमदार तथा भाजपा अनुसूचित मोर्चाचे प्रदेश अध्यक्ष सुधाकर भालेराव व तालुका अध्यक्ष बसवराज रोडगे यांच्या हस्ते देण्यात आले.या वेळी भाजपचे ज्येष्ठ नेते धर्मपाल नादरगे, उत्तराबाई कलबुर्गे, सरोजा वारकरे, वर्षा धावारे, रमाबाई वाघमारे, ललिता सुर्यवंशी, यांच्यासह बनशेळकीचे सरपंच विकास शेळके, सोसायटीचे चेअरमन प्रल्हाद महाजन, उपसरपंच विवेक महाजन, गुरुनाथ आंबेगावे, अविनाश आवळे, राजेश्वर आंबेगावे, बाळु चव्हाण ईत्यादी उपस्थित होते. गटोडे यांच्या निवडीबद्दल बनशेळकी येथे कार्यकर्त्यांनी फटाके फोडुन जल्लोष केला.