महाराष्ट्र उदयगिरीच्या क्रिकेट (महिला) खेळाडूंची विद्यापीठ संघात निवड

उदगीर (एल.पी.उगीले) : महाराष्ट्र उदयगिरी महाविद्यालय, उदगीरच्या महिला खेळाडू कु.लीना कोमटे आणि कु.ऐश्वर्या सूर्यवंशी यांची निवड स्वामी रामानंद तीर्थ मराठवाडा विद्यापीठ, नांदेडच्या क्रिकेट (महिला) संघात झाली आहे, या दोन्ही खेळाडू दि.12 ते 18 मार्च 2023 या कालावधीत ‘कलिंग इन्स्टिट्यूट ऑफ इंडस्ट्रियल टेक्नॉलॉजी युनिव्हर्सिटी’ भुवनेश्वर, ओडिसा येथे होणाऱ्या पश्चिम विभागीय आंतर विद्यापीठ क्रिकेट (महिला) स्पर्धेत विद्यापीठाचे प्रतिनिधित्व करणार आहेत. सदरील खेळाडू नांदेड येथून रवाना झाल्या आहेत. खेळाडूंना क्रीडा संचालक प्रा.सतिष मुंढे आणि प्रा.रोहन ऐनाडले यांचे मार्गदर्शन लाभले. या प्रसंगी प्रभारी प्राचार्य डॉ.बी.एम.संदीकर, उपप्राचार्य डॉ.आर.के.मस्के तसेच सर्व प्राध्यापक व शिक्षकेत्तर कर्मचारी यांनी खेळाडूंचे अभिनंदन केले.