जागतिक महिला दिनानिमित्त महिलांची मोफत आरोग्य तपासणी

अहमदपूर (गोविंद काळे) : येथील रुद्र महिला मंडळ व दाक्षायणी महिला मंडळ यांच्या संयुक्त विद्यमाने जागतिक महिला दिनानिमित्त महिलांची मोफत आरोग्य तपासणी करण्यात आली. यावेळी कार्यक्रमाच्या अध्यक्षस्थानी शांताबाई गिराम होत्या तर प्रमुख अतिथी म्हणून डॉ. रामेश्वर चामले, डॉ. सृष्टी राजुरकर, पुष्पाताई लोहारे, रंजना आंधळे इनरव्हील क्लबच्या अध्यक्षा ॲड.सुवर्णा महाजन, रुद्र महिला मंडळाच्या अध्यक्षा विजयाताई चवंडा, दाक्षायणी महिला मंडळाच्या अध्यक्षा शिवाणी चवंडा सह मान्यवर उपस्थित होते. कार्यक्रमाच्या प्रारंभी क्रांतीज्योती सावित्रीबाई फुले यांच्या प्रतिमेचे पूजन करण्यात आले. डॉ. रामेश्वर चामले यांनी उपस्थित महिलांची नेत्र तपासणी करून डोळ्यांची काळजी कशी घ्यावी ते सांगितले तर डॉ. सृष्टी राजुरकर यांनी दंत तपासणी करून आरोग्य व आहार याविषयी मार्गदर्शन केले.रंजना आंधळे, पुष्पाताई लोहारे, आशा शेटकार यांचे मनोगतपर भाषणे झाली. मंडळातील सदस्यांनी महान महिलांची वेशभूषा व विविध गुणदर्शनाचा सांस्कृतीक कार्यक्रम करून मनोरंजन व संस्कृतीचे जतन केले. कार्यक्रमाचे प्रास्ताविक शिवाणी चवंडा यांनी केले तर सूत्रसंचालन सविता शेटकार यांनी तर आभार आशा रोडगे-तत्तापुरे यांनी मानले. कार्यक्रम यशस्वीतेसाठी सर्व महिला सदस्यांनी परिश्रम घेतले.