संकल्प बहुउद्देशीय सेवाभावी संस्थेतर्फे वर्षाराणी मुस्कावाड यांचा सत्कार संपन्न

उदगीर (एल.पी.उगीले) : संकल्प बहुउद्देशीय सेवाभावी संस्था आयोजित सन्मान कर्तृत्वाचा हा पुरस्कार वर्षाराणी मुस्कावाड यांना प्रदान करण्यात आला. उदगीर येथील रघुकूल मंगल कार्यालयात या कार्यक्रमाचे आयोजन करण्यात आले होते. हा पुरस्कार उदगीरचे माजी आमदार सुधाकर भालेराव यांच्या हस्ते वर्षाराणी मुस्कावाड यांना प्रशस्तीपत्र , मोमेन्टो देऊन सन्मान करण्यात आला.वर्षाराणी मुस्कावाड या शांतिनिकेतन विद्यालय उदगीर येथे सहशिक्षिका म्हणून कार्यरत असून त्यांनी साहित्य क्षेत्रात ही उल्लेखनीय कामगिरी केली आहे. विविध वर्तमानपत्रात, मासिकात कविता, लेख ही त्यांचे प्रकाशित झाले आहेत. त्या उत्कृष्ट सूत्रसंचालिका म्हणून ही परिचयाच्या आहेत. त्यांच्या या कार्याची दखल घेऊन या पुरस्कारासाठी त्यांची निवड झाली आहे. वर्षाराणी मुस्कावाड यांना हा पुरस्कार प्रदान झाल्याबद्दल त्यांचे अभिनंदन साहित्य व संस्कृती मंडळाचे महाराष्ट्र राज्याचे सदस्य धनंजय गुडसूरकर, राष्ट्रपती आदर्श शिक्षक पुरस्कार प्राप्त शिक्षक विश्वनाथ मुडपे, एनसीसी प्रमुख बालाजी मुस्कावाड, मुख्याध्यापक वडले, विवेक होळसंबरे, केंद्र प्रमुख पाटील व शांतिनिकेतन विद्यालय कोदळी येथील सर्व शिक्षक व शिक्षकेत्तर कर्मचारी यांनी केले आहे.