अहमदपूर तालुक्यातील येलदरवाडी येथे आंब्याच्या बागेचे गारा, वारा व पावसात प्रचंड नुकसान
अहमदपूर ( गोविंद काळे ) : तालुक्यातील येलदरवाडी (भाग्यनगर) परिसरात दिनांक 27 मार्च रोजी सायंकाळच्या वेळी झालेल्या अवकाळी पाऊस वारा व गारा यामुळे या भागातील असलेल्या आंब्याच्या फळबागेचे खूप मोठ्या प्रमाणात नुकसान झाले आहे.
नुकताच येत्या काही दिवसात काढणीस येणारा आंबा या वारं वादळामुळे झाडावरून खाली पडला आहे. झाडेही मोडली आहेत.यामुळे या परिसरात असलेल्या सर्वच शेतकऱ्यांचे कंबरडेच मोडले आहे.
येलदरवाडी येथील शेतकरी वैजनाथ गीते यांच्या आंबा फळबागेचे तर खूप मोठ्या प्रमाणात नुकसान झाले आहे.आंबा हा काढणीस आलेला होता त्यामुळे निसर्गाच्या प्रकोपामुळे शेतकऱ्याच्या हातचा घास हिरावला गेला आहे.
या सर्व बागांची नुकसान भरपाई शासकीय नियमाप्रमाणे मिळावी अशी अपेक्षा शेतकऱ्यांकडून व्यक्त केली जात आहे जेणेकरून काही प्रमाणात का होईना शेतकऱ्यांना या नुकसानी मधून सावरता येईल.
संबंधित अधिकाऱ्यांनी या सर्व बाबीकडे लक्ष देऊन शेतकऱ्यांना जास्तीत जास्त मदत मिळेल यासाठी कार्यवाही करण्याची गरज आहे.
About The Author
