डिगोळे लहू यांना डाॅ.ना.य.डोळे जिल्हास्तरीय आदर्श शिक्षक पुरस्कार

देवणी (प्रतिनिधी) : तालुक्यातील जि.प.प्रा.शा.चवणहिप्परगा ता. देवणी येथे कार्यरत असलेले सहशिक्षक डिगोळे लहू रामराव यांनी केलेल्या शैक्षणिक,सामाजिक,सांस्कृतिक व राष्ट्रीय कार्यातील योगदानाप्रित्यर्थ देवणी तालुक्यातून निलंगा येथे झालेल्या महाराष्ट्र राज्य प्राथमिक शिक्षक समितीच्या त्रैवार्षिक जिल्हा अधिवेशनात डाॅ.ना.य.डोळे जिल्हास्तरीय आदर्श शिक्षक पुरस्काराने सन्मानित करण्यात आले.

यावेळी माजी राज्यमंत्री संभाजीभैया निलंगेकर , म.रा.प्रा.शिक्षक समितीचे राज्यनेते उदय शिंदे,राज्याध्यक्ष विजयभाऊ कोंबे ,राज्य सरचिटणीस राजन कोरगावकर ,काळूजी बोरसे पाटील,किसनराव बिरादार,माधवराव फावडे,अरुण सोळुंके,संजय कदम,भरत पुंड,शिवाजी टिळे,अभय बिरादार,विश्वनाथ उदबाळे व अन्य मान्यवराच्या उपस्थितीत पुरस्कार प्रदान करण्यात आला. या निवडीबद्यल डिगोळे यांचे सर्वत्र अभिनंदन होत आहे.