कै. गजानन भुसारे ज्येष्ठ पत्रकारीता पुरस्काराने दिनकर मद्देवाड यांना सन्मानित

अहमदपूर ( गोविंद काळे ) महाराष्ट्र राज्य मराठी पत्रकार संघ मुंबई शाखा अहमदपूरच्या वतीने आयोजित कार्यक्रमात प्रथमच कै .गजानन भुसारे ज्येष्ठ पत्रकारिता पुरस्कार पञकार दिनकर मदेवाड यांना आमदार बाबासाहेब पाटील यांच्या हस्ते देऊन सन्मानित करण्यात आले.
दि 5 रोजी येथील महाराष्ट्र राज्य पत्रकार संघाच्या वतीने पत्रकार पुरस्कार वितरण सोहळा हा कार्यक्रम आयोजित करण्यात आला होता कै .गजानन भुसारे हे दै पुण्य नगरीचे तालुका प्रतिनिधी म्हणुन काम पाहात होते तसेच ते महाराष्ट्र राज्य पत्रकार संघाचे सचिव होते त्यांचे गेल्या सात महिन्यापूर्वी अकाली निधन झाले होते. आपला पत्रकार बांधव सदैव आपल्या स्मरणात राहावा या शुद्ध हेतूने येथील पत्रकार बांधवांनी संघाचे अध्यक्ष विश्वंभर स्वामी यांच्या अध्यक्षतेखाली बैठक घेऊन कै. गजानन भुसारे यांच्या नावाने पुरस्कार देण्याचे सर्वानुमते ठरवले होते. त्यानुसार दिनांक ५ रोजी न्यू शॉपिंग सेंटर येथे पुरस्कार वितरणाचा कार्यक्रम आयोजित करण्यात आला होता. यावेळी जेष्ठ पत्रकार गजानन भुसारे यांच्या स्मृति निमित्त पत्रकार पुरस्कार आ. बाबासाहेब पाटील यांच्या हस्ते ज्येष्ठ पत्रकार दिनकर मद्देवाड यांना प्रदान करण्यात आला. यावेळी राजशेखर गुरु शिवलिंग शिवाचार्य महाराज, माजी सभापती शिवानंद हेंगणे, डॉ. ऋषिकेश पाटील,महाराष्ट्र राज्य पत्रकार संघाचे प्रदेशाध्यक्ष वसंतराव मुंडे साहेब, मराठवाडा अध्यक्ष:-वैभव स्वामी,जिल्हाध्यक्ष अशोकजी देडे,श्रीमती विजयाताई भुसारे, रामलिंग तत्तापूरे,आशाताई रोडगे,पत्रकार शिवानंद भुसारे, व महाराष्ट्र राज्य मराठी पत्रकार संघ मुंबई शाखा अहमदपूरचे सर्व पदाधिकारी, सदस्य यांची उपस्थिती होती.