अहमदपूर येथे धम्मसंदेश रॅली संपन्न

अहमदपूर ( गोविंद काळे ) : तक्षशिला बुध्द विहार काळेगांव च्या वतीने तथागत भगवान गौतम बुध्द यांच्या जयंतीच्या निमित्त शहराच्या प्रमुख मार्गावरून धम्मसंदेश रॅली मोठ्या उत्साहात संपन्न झाली.
तक्षशिला बुध्द विहाराचे प्रमुख भंते महाविरो थेरो यांच्या नेतृत्वाखाली ही रॅली संपन्न झाली.
काळेगांव येथील विहारात पहिल्यांदाच श्रमाने शिबीर घेण्यात आले.या शिबिराच्या समारोप धम्म संदेश रॅलीच्या माध्यमातून करण्यात आला.
ही रॅली काळेगांव रोड इंदिरानगर,बौध्द नगर,भिम नगर,आझादचौक,डाॅ.बाबासाहेब आंबेडकर मार्गावरून छत्रपती शिवाजीमहाराज चौक-पुतळ्या समोरून स्वातंत्र्यवीर वि.दा.सावरकर चौक, तहसिल कार्यालया समोरून डाॅ.बाबासाहेब आंबेडकर पुतळ्या आली.
येथे सामूहिक त्रीशरण पंचशिल बुध्द, धम्म व संघ वंदना,भीम स्तुती व सरणंतय गाथा घेण्यात आली.
या प्रसंगी उपस्थित जनसमूदायास पुज्य भंते महाविरो थेरो यांनी मार्गदर्शन केले.तर युवकनेते डाॅ.सिद्धार्थकुमार सूर्यवंशी,सावन कदम आदींनी मनोगत व्यक्त केले.
या वेळेस माजी नगराध्यक्ष सरस्वतीबाई कांबळे, अण्णाराव सूर्यवंशी,सावन कदम,पत्रकार अजय भालेराव,भीमराव कांबळे,त्रिशरण मोहगांवकर,सचिन बानाटे,आनंदभाऊ सोनकांबळे,संगमेश्वर बनसोडे,सिध्दार्थ वाघमारे, आनंद जंगले,रूपेश कांबळे,अनिल वाघमारे, संविधान कदम,बल्लू वाघमारे,आकाश पवार,शिवराम गायकवाड, सिध्देश्वर मस्के, नितीन सरकाळे, आनंद वाघमारे,शिवलिंग वाघमारे,सूमनबाई काबळे,मंगलबाई गायकवाड,पोटभरे ताई आदींसह असंख्य कार्यकर्त्यांंनी रॅलीच्या यशस्वीतेसाठी प्रयत्न केले.

या रॅलीत उपस्थित श्रामनेर यांनी हातात मेणबत्त्या पेटवून घेतल्या होत्या. त्यांच्या वतीने बूध्द धम्म आणी संघाच्या घोषणा सूध्दा लक्षवेधी होत्या. अतिशय शिस्त बध्द, संचालन करत डाॅ.बाबासाहेब आंबेडकर- बुध्दांचा जयघोष आदीं बाबींमूळे ही शांतता रॅली अभूतपूर्व अशीच ठरली.