देवणी शहरातील होमगार्ड शिवाजी शृंगारे यांच्या घरी घरगूती गॅस सिलेंडर चा स्फोट

देवणी (प्रतिनिधी) : देवणी शहरात कार्यरत असलेले होमगार्ड शिवाजी शृंगारे यांच्या घरी सकाळी साडे सहा वाजण्याच्या सुमारास घरगुती गॅसचा स्फोट झाल्याची धक्कादायक घटना घडली.मिळालेली अधिक माहिती अशी की, सकाळी साडे सहा च्या दरम्यान सगळे गाढ झोपेत असताना त्यांची पत्नी स्वयंपाकासाठी गॅस चालू केले असता अचानक गॅस सिलेंडरने पेट घेतला, त्यांनी गाढ झोपेत असलेले दोन बालके व इतर सदस्यांना झोपेतून उठवून घराच्या बाहेर काढले.गॅस सिलेंडरच्या जोराच्या भडक्यामुळे घरातील घरगूती उपयोगी वस्तू ,घरावरील पत्रे,दागिने,मोबाईल,टी.व्ही पंखे व रोखरक्कमेसह अनेक वस्तू जळून खाक झाल्या.या घटनेत सुदैवाने कोणतीही जीवित हानी झाली नाही.