महाराष्ट्र एज्युकेशन सोसायटी तर्फे प्रवीण मेंगशेट्टी यांचा सत्कार

उदगीर (एल.पी.उगीले) येथील महाराष्ट्र उदयगिरी महाविद्यालयात महाराष्ट्र एज्युकेशन सोसायटी तर्फे उपविभागीय अधिकारी प्रवीण मेगशेट्टी यांची पुणे येथे बदली झाल्यामुळे शाल, पुष्पगुच्छ देऊन संस्थेचे अध्यक्ष मल्लिकार्जुन मानकरी यांच्या हस्ते सत्कार करण्यात आला. यावेळी मंचावर उपाध्यक्ष ॲड.प्रकाश तोंडारे, सचिव रामचंद्र तिरुके ,सहसचिव ॲड. एस.टी.पाटील, डॉ.रामप्रसाद लखोटिया, सदस्य बसवराज पाटील नागराळकर, प्रशांत पेन्सलवार, शिवराज वल्लापुरे यांची उपस्थिती होती. प्रवीण मेंगशेट्टी यांनी आपल्या सेवाकाळात अनेक सामाजिक उपक्रमात सहभागी होऊन विकास प्रक्रिया गतिमान केली. वृक्षारोपण, वाहतूक व्यवस्था, साहित्य संमेलनाचे आयोजन अशा अनेक उपक्रमात नाविन्यपूर्ण काम करून या परिसराचा विकास केल्याची भावना प्रा.डॉ.मल्लेश झुंगा स्वामी, बसवराज पाटील नागराळकर, रामचंद्र तिरुके यांनी व्यक्त केली. सत्कारास उत्तर देताना मेंगशेट्टी म्हणाले की, उदगीर येथील जनता, राजकीय पक्षांचे पदाधिकारी, विविध सेवाभावी संस्थांचे पदाधिकारी यांच्या सकारात्मक सहभागामुळे आपल्याला चांगले काम करता आले. याबद्दल उदगीरकरांचे आभार मानून उदगीरकर आपल्या सदैव स्मरणात राहतील असे सांगून महाविद्यालयाने केलेल्या सत्कार बद्दल आभार व्यक्त केले. सूत्रसंचालन प्रभारी प्राचार्य डॉ.बी.एम.संदीकर यांनी केले, तर आभार स्टाफ सेक्रेटरी प्रा.डॉ.जयप्रकाश पटवारी यांनी मानले.