अचानक ब्रेक दाबल्याने मोटारसायकल वर पाठीमागे बसलेला एक जण पडून ठार

किनगाव (गोविंद काळे) : किराणा सामान आणण्यासाठी दुचाकीवर बसून अहमदपूर येथे गेले असता अहमदपूरहुन मोटरसायकलने व्होटाळा गावाकडे निघाले असता अचानक समोर कुत्रा आल्याने मोटरसायकल चालकाने ब्रेक मारल्याने पाठीमागे बसलेला व्यक्ति रोडवर पडून डोक्यास मार लागून जखमी झाला व उपचारादरम्यान मयत झाल्याने किनगाव पोलिसात दुचाकी चालकाविरुद्ध बुधवारी गुन्हा दाखल करण्यात आला आहे.
याबाबत अधिक माहिती अशी की व्होटाळा येथील गंगाधर वामनराव पवार हे आपली मोटरसायकल क्रमांक एम एच 24 बी जे 45 79 ने अहमदपूरला गेले होते व अहमदपूर येथे किराणा सामान भरून येत असताना मयत श्रीकांत मनोहर दराडे वय 45 वर्ष हे चालकाच्या पाठीमागे बसले होते . सोनखेड – मानखेड पाटीजवळ आले असता रोडवर अचानक कुत्रा आल्याने मोटरसायकल चालकाने ब्रेक मारले असता पाठीमागे बसलेले मयत श्रीकांत मनोहर दराडे हे खाली पडून जखमी झाले व उपचारादरम्यान त्यांचा मृत्यू झाल्याने किनगाव पोलिसात दुचाकी चालकाविरुद्ध कलम 279, 304 ( अ ),338 नुसार फिर्यादी लक्ष्मण माणिक दराडे यांच्या फिर्यादीवरून किनगाव पोलीस ठाण्यात गुन्हा दाखल करण्यात आला. अधिक तपास सपोनि. शैलेश बंकवाड हे करीत आहेत.