व्हॉईस ऑफ मीडियाची अहमदपूर तालुका कार्यकारिणी जाहीर

तालुकाध्यक्षपदी रविकांत क्षेत्रपाळे, सरचिटणीस प्रा. रत्नाकर नळेगावकर
अहमदपूर ( गोविंद काळे ) : व्हॉईस ऑफ मीडिया संघटनेची अहमदपूर तालुका कार्यकारिणी निवडण्यात आली आहे. जिल्हाध्यक्ष बालाजी फड यांनी ही कार्यकारिणी जाहीर केली. तालुकाध्यक्षपदी रविकांत क्षेत्रपाळे, तर सरचिटणीसपदी प्रा. रत्नाकर नळेगावकर यांची निवड करण्यात आली आहे.

‘लढा पत्रकारिता आणि पत्रकारांसाठीचा’ असे ब्रीद घेऊन राष्ट्रीय पातळीवर स्थापन झालेल्या व्हॉईस ऑफ मीडिया या संघटनेचे जाळे अवघ्या वर्षभरात देशभर पसरले आहे. संघटनेचे संस्थापक तथा राष्ट्रीय अध्यक्ष संदीप काळे, राष्ट्रीय सरचिणीस चंद्रमोहन पुप्पाला, राज्य अध्यक्ष राजा माने व अनिल मस्के पाटील, मराठवाडा अध्यक्ष विजय चोरडिया यांच्या सूचनेवरुन अध्यक्ष बालाजी फड, सरचिटणीस संगम कोटलवार, कार्याध्यक्ष शहाजी पवार, सुशांत सांगवे यांनी अहमदपूर तालुका कार्यकारिणी जाहीर केली आहे. या कार्यकारिणीत अध्यक्षपदी रविकांत क्षेत्रपाळे, कार्याध्यक्षपदी नरसिंग सांगवीकर, उपाध्यक्षपदी चंद्रकांत शिंदे व वसंत पवार, सरचिटणीसपदी प्रा. रत्नाकर नळेगावकर, सहसरचिटणीसपदी त्रिशरण मोहगावकर, खजिनदार/कोषाध्यक्षपदी सलीम सय्यद, कार्यवाहकपदी शिवाजी पाटील, संघटकपदी मेघराज गायकवाड, प्रसिद्धी प्रमुखपदी गोविंद काळे, तर सदस्य म्हणून विश्वनाथ हेंगणे यांची नियुक्ती केली आहे. या सर्व पदाधिकाऱ्यांचे सर्व स्तरातून स्वागत व अभिनंदन होत आहे.