डॉ. बळीराम पवार यांनी केला डॉ. सतीश ससाणेंचा सत्कार

अहमदपूर,( गोविंद काळे ) : येथील महात्मा फुले महाविद्यालयातील समाजशास्त्र विभाग प्रमुख डॉ. सतीश ससाणे यांची नुकतीच असोसिएट प्रोफेसरपदी पदोन्नती झाल्याबद्दल समाजशास्त्र प्राध्यापकांच्या वतीने डॉ. बळीराम पवार यांनी सत्कार करून अभिनंदन केले.
याबाबतचे सविस्तर वृत्त असे की, याकार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते. यावेळी किनगाव येथील महात्मा फुले महाविद्यालयातील समाजशास्त्र विभागप्रमुख डॉ. बळीराम पवार यांच्यासह स्वामी रामानंद तीर्थ मराठवाडा विद्यापीठ नांदेडच्या निवड समितीचे सदस्य डॉ.रामचंद्र भिसे ,डॉ. सुनीता टेंगसे, डॉ. अनिता गायकवाड आदींनी डॉ. सतीश ससाणे व प्राचार्य डॉ. वसंत बिरादार पाटील यांचा सत्कार करून पुढील शैक्षणिक कार्यासाठी शुभेच्छा दिल्या.
यावेळी उपप्राचार्य डॉ.दुर्गादास चौधरी, क्रीडा संचालक डॉ. अभिजीत मोरे, डॉ. पांडुरंग चिलगर यांच्यासह महाविद्यालयातील प्राध्यापक, कार्यालयीन कर्मचारी उपस्थित होते .