आत्मविश्वासाने सामोरे गेल्यास यशप्राप्ती निश्चित – प्रा. प्रशांत अपसिंगेकर
उदगीर (एल.पी.उगीले) : जीवनात येणाऱ्या प्रतिकूल परिस्थितीला आत्मविश्वासाने सामोरे गेल्यास यशप्राप्ती निश्चित मिळते .असे प्रतिपादन सिल्लोड च्या सरस्वती भुवन कनिष्ठ महाविद्यालयाचे प्रा. प्रशांत अपसिंगेकर यांनी केले.
उदगीर येथे कुलकर्णी कॉमर्स अकॅडमी च्या वतीने १२परीक्षेत विशेष प्राविण्य प्राप्त गुणवंत विद्यार्थ्यांचा सत्कार करण्यात आला. याप्रसंगी ते प्रमुख पाहुणे म्हणून बोलत होते. अध्यक्षस्थानी व्ही. एस. कुलकर्णी होते. तर दुसरे प्रमुख पाहुणे म्हणून पी. जी. जोशी चिंताकीकर होते. प्रास्ताविक कुलकर्णी अकॅडमी च्या संचालिका पल्लवी कुलकर्णी यांनी केले. पुढे बोलताना प्रा. अपसिंगेकर यांनी विद्यार्थ्यांच्या यशासाठी आत्मविश्वास, एकाग्रता, संस्कार, ध्येय, परिश्रम याची सांगड अंगी असणे गरजेचे आहे,असे सांगून श्यामची आई या संस्कारक्षम पुस्तकातील संस्कार कथा सांगत त्याचे अनुकरण करण्याचे आवाहन केले. सूत्रसंचालन प्रा. श्रीपाद सिमंतकर यांनी तर आभार प्रदर्शन प्रा. मुकेश कुलकर्णी यांनी केले.कार्यक्रमास गुणवंत विद्यार्थी, पालक उपस्थित होते.
About The Author
