लेंडेगाव पाझर तलावाच्या पिचींग वर सापडली मानवी डोक्याची कवटी; किनगाव पोलिसात आकस्मित मृत्यूची नोंद!
अहमदपूर ( गोविंद काळे ) लेंडेगाव ता. अहमदपूर येथील पाझर तलावाच्या पाळूला असलेल्या पिचींगवर दि. 27 रोजी मानवी डोक्याची कवठी, हाता-पायाची हाडे व कुजलेले कपडे आढळून आल्याची माहिती लेंडेगावचे पोलीस पाटील यांनी किनगाव पोलिसात दिल्यावरून पोलिसांनी आकस्मिक मूर्तीची नोंद केली आहे.
याविषयी पोलीस सूत्राकडून समजलेली अधिकृत माहिती अशी की, मदन पुंडलिक बेंबडे वय ४५ व्यवसाय शेती, पोलीस पाटील लेंडेगाव यांनी किनगाव पोलिसात खबर दिली की, दि. २७ मे रोजी सकाळी १० च्या पूर्वी पाझर तलावाच्या पाळूला लावलेल्या पिचींगवर एका मानवी डोक्याची कवटी, हाता-पायाची हाडे व कुजलेले कपडे आढळून आल्याची फिर्यादी किनगाव पोलिसात दिली. याबाबत किनगाव पोलीस ठाण्यात आकस्मित मृत्यू १८/ २३ कलम १७४ सीआरपीसी नुसार नोंद करण्यात आली. पुढील तपास ए एस आय एन. एम. कल्याणे करत आहेत.
About The Author
