मलकापूर ग्रामपंचायत च्या वतीने कर्तृत्ववान महिलांचा सत्कार

उदगीर (एल.पी.उगीले) : शहराचे उपनगर म्हणून ओळखल्या जाणाऱ्या मलकापूर ग्रामपंचायत च्या वतीने पुण्यश्लोक अहिल्याबाई होळकर यांच्या जयंतीनिमित्त दोन कर्तबगार महिलांचा पुण्यश्लोक आहिल्यादेवी होळकर यांच्या नावाने दिला जाणारा कार्य गौरव पुरस्कार प्रदान करण्यात आला.

पुण्यश्लोक आहिल्याबाई होळकर यांच्या जयंतीनिमित्त अंगणवाडी सेविका व अशा कार्यकर्ते यांच्या सेवेतील उत्कृष्ट कार्याचा गौरव व्हावा, या उद्देशाने पुण्यश्लोक आहिल्याबाई होळकर यांच्या जयंतीनिमित्त मलकापूर ग्रामपंचायत च्या वतीने अंगणवाडी सेविका अनुसया डिगोळे व अशा कार्यकर्ती महानंदा भालेराव यांचा कर्तबगार महिला म्हणून ग्रामपंचायत सदस्य चंद्रकला मेहकरे यांच्या हस्ते सत्कार करण्यात आला.

प्रारंभी पुण्यश्लोक अहिल्याबाई होळकर यांच्या प्रतिमेस सरपंच गुरुनाथ बिराजदार यांच्या हस्ते पुष्पहार अर्पण करून अभिवादन करण्यात आले. यावेळी उपसरपंच महेबूब शेख , ग्रामसेवक संतोष पाटिल, ग्रा.प.सदस्य जितेंद्र बोडके, सतिष पाटिल,महेश तोडकर,महानंदा भालेराव,आशाबी महेबूब शेख,चंद्रकला महेकरे, राम मोतीपवळे ,पोष्टं मास्तर राजेश्वर पटणे, अगणवाडी कार्यकर्ती डिगोळे अनुसया जनार्धन, पाटिल भाग्यश्री संजय,किवंडे सारिका माधवराव,स्वामी शोभा शिवराज, लिपिक शिवराज ब्रम्हणा, सय्यद अहमद, अनिल भालेराव,कालिसिंग पवार,समद शेख आदी उपस्थित होते.