बनशेळकी येथे पुण्यश्लोक अहिल्याबाई होळकर यांची जयंती साजरी

उदगीर (प्रतिनिधी) : उदगीर तालुक्यातील बनशेळकी येथे पुण्यश्लोक अहिल्याबाई होळकर यांची जयंती साजरी करण्यात आली.यावेळी सरपंच विकास शेळके यांच्या हस्ते प्रतिमेचे पूजन करून अभिवादन करण्यात आले.

त्याचबरोबर या कार्यक्रमात ग्रामपंचायत कार्यालयाच्या वतीने पुण्यश्लोक अहिल्यादेवी होळकर महिला सन्मान पुरस्कार देऊन माजी सरपंच व आशा कार्यकर्ती सुरेखा मधुकर पांचाळ व बचत गटांच्या माध्यमातून कार्य करणाऱ्या शारदा पांडुरंग कांबळे यांना सन्मान चिन्ह व रोख पाचशे रुपये देऊन सन्मान करण्यात आला.

या कार्यक्रमाच्या अध्यक्षस्थानी सरपंच विकास शेळके हे होते.तर प्रमुख पाहुणे म्हणून जिल्हा परिषद शाळेचे मुख्याध्यापक मदन पाटील, भाजपचे तालुका उपाध्यक्ष मनोहर गटोडे, सहशिक्षक अनिल पंढरपुरे ,पत्रकार मनोहर लोहारे, अंगणवाडी कार्यकर्ती आशा कवठाळे, संगीता शेटकार, महानंदा काळे, मदतनीस आशा आवाळे, शुभंम पांचाळ, कमलाकर म्हेत्रे, श्याम पाटील, रोहित कांबळे उपस्थित होते.