महात्मा फुले महाविद्यालयात वृक्षारोपण करून जागतिक पर्यावरण दिन साजरा

अहमदपूर ( गोविंद काळे) : येथील महात्मा फुले महाविद्यालयात महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली वृक्षारोपण करून जागतिक पर्यावरण दिन उत्साहात साजरा करण्यात आला.
महाविद्यालयाचे उपप्राचार्य डॉ. डी. डी. चौधरी यांच्या अध्यक्षतेखाली झालेल्या या कार्यक्रमात प्रमुख पाहुणे म्हणून इंजिनियर युवराज मोरे व शिवनेरी महाविद्यालय, शिरुर अनंतपाळ येथील समाज शास्त्राचे प्राध्यापक डॉ. दत्ता कांबळे हे उपस्थित होते. यावेळी पाहुण्यांच्या हस्ते महाविद्यालय परिसरात वृक्षारोपण करण्यात आले. अध्यक्षीय समारोपात उपप्राचार्य डॉ. डी. डी. चौधरी यांनी नैसर्गिक समतोल राखण्यासाठी वृक्षांचे तसेच पर्यावरण संरक्षणाचे महत्त्व सांगितले. या कार्यक्रमाचे प्रास्ताविक व सूत्रसंचालन सांस्कृतिक विभागप्रमुख डॉ. बब्रुवान मोरे यांनी केले, तर आभार प्रदर्शन ह.भ.प. डॉ.अनिल महाराज मुंढे यांनी केले.
याप्रसंगी डॉ. सतीश ससाणे, डॉ. संतोष पाटील, शिवाजी चोपडे यांच्यासह महाविद्यालयातील सर्व प्राध्यापक कर्मचारी विद्यार्थी उपस्थित होते.