उदगीरमध्ये रि. पा. इं. (आ ) चे विविध मागण्यासाठी आंदोलन

उदगीर : रिपब्लिकन पार्टी ऑफ इंडिया (आठवले गट) उदगीरच्या वतीने महात्मा बसेश्वर पुतळ्यासमोर विविध मागण्यासाठी आंदोलन करण्यात आले.यात प्रामुख्याने नांदेड येथील बोधरा हत्याकांडातील आरोपींना फाशीची शिक्षा देण्यात यावी, उदगीरच्या नागरिकांच्या आरोग्य विचारात घेऊन उदगीर शहरातील डम्पिंग ग्राउंड शहराच्या बाहेर हलवण्यात यावे, उदगीर नगर परिषदचे निष्क्रिय मुख्याधिकारी यांची बदली करण्यात यावी.
अशा विविध मागण्यासाठी आंदोलन करण्यात आले, या आंदोलनात रिपब्लिकन पार्टी ऑफ इंडिया (आठवले गट) मराठवाडा सरचिटणीस देविदास कांबळे, तालुकाध्यक्ष प्रफुल्लकुमार उदगीरकर, युवक जिल्हाध्यक्ष सुशीलकुमार शिंदे,अशोक सोनकांबळे, विलास गायकवाड, राहूल कांबळे, हुसेन शेख, नितीन गायकवाड, नरेश चांदे, पुरंदर बोडके, रईस शेख यासंह शेकडो कार्यकर्ते उपस्थित होते.