महात्मा फुले महाविद्यालयात इतिहास विभागाकडून शिवराज्याभिषेक दिन साजरा

अहमदपूर, ( गोविंद काळे )
येथील महात्मा फुले महाविद्यालयात इतिहास विभागाच्या वतीने छत्रपती शिवाजी महाराज यांचा राजाभिषेक दिन साजरा करण्यात आला.
याबाबतचे सविस्तर वृत्त असे की, महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली हिंदवी स्वराज्याचे संस्थापक छत्रपती शिवाजी महाराज यांचा ३५० वा राजाभिषक दिन मोठ्या उत्साहात साजरा करण्यात आला. या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. दुर्गादास चौधरी हे होते. तर, शिरूर अनंतपाळ येथील शिवनेरी महाविद्यालयातील समाजशास्त्राचे प्रा. डॉ. दत्ता कांबळे तसेच अहमदपूर येथील ज्येष्ठ नागरिक गोविंद चाफेकर मामा यांची प्रमुख उपस्थिती होती. यावेळी मान्यवरांच्या हस्ते छत्रपती शिवाजी महाराज यांच्या प्रतिमेस पुष्प अर्पण करून अभिवादन करण्यात आले.
या कार्यक्रमाचे प्रास्ताविक इतिहास विभाग प्रमुख डॉ. बब्रुवान मोरे यांनी केले तर ; सूत्रसंचालन इतिहास विभागातील प्राध्यापक डॉ.संतोष पाटील यांनी व आभार राष्ट्रीय सेवा योजनेचे कार्यक्रमाधिकारी डॉ. पांडुरंग चिलगर यांनी मानले. यावेळी क्रीडा संचालक प्रो. डॉ. अभिजीत मोरे, कार्यालय प्रमुख प्रशांत डोंगळीकर, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी मोठ्या संख्येने उपस्थित होते.