राज ठाकरे यांच्या 55 व्या वाढदिवसानिमित्त 55 रक्तदात्याचे रक्तदान

उदगीर (एल.पी.उगीले) : राजसाहेब ठाकरे यांचा नुकताच वाढदिवस झाला यानिमित्ताने दरवर्षी महाराष्ट्रभर मनसेचे पदाधिकारी, कार्यकर्ते हे समाज उपयोगी उपक्रम राबवत असतात. याच अनुषंगाने उदगीर मनसेने ही 14 जून ते 30 जून दरम्यान विविध समाज उपयोगी उपक्रम राबवून राज ठाकरे यांचा वाढदिवस साजरा करण्याचे ठरविले आहे.त्याचाच भाग म्हणून रक्तदान शिबिर,1000 वर्ष लागवड,शालेय साहित्य वाटप,सर्व रोग निदान शिबिर असे विविध कार्यक्रमाचे आयोजन करण्यात आले आहे. उदगीर विधानसभेत तालुक्याच्या ठिकाणी तसेच गावोगावी शाखेच्या ठिकाणी हे कार्यक्रम घेण्यात येणार आहेत. याचाच एक भाग म्हणून दिनांक 19 जून रोजी उदगीर येथील नागप्पा अंबरखाने ब्लड बँकेत रक्तदान शिबिराचे आयोजन करण्यात आले होते. यात उदगीर तालुक्यातील व शहरातील महाराष्ट्र सैनिकांनी उस्फूर्तपणे सहभाग नोंदवत रक्तदान हेच सर्वश्रेष्ठ दान आहे, याचे महत्व जाणून घेत राज ठाकरे यांच्या 55 व्या वाढदिवसानिमित्त 55 रक्तदात्याचे रक्तदान केले. या शिबिराच्या यशस्वीतेसाठी जिल्हाध्यक्ष संजय राठोड, तालुकाध्यक्ष संग्राम रोडगे, शहराध्यक्ष संतोष भोपळे, गुरुदत्त घोणसे, संग्राम केंद्रे, दयानंद डोंगरे, सुनील तोंडचिरकर, लखन पुरी, अमोल गाजरे, रोहित खरात, तुषार बुलबुले, दिनेश पवार, रोहित बोईनवाड, अजय भंडे, रामदास पाटील, गजानन तळभोगे, नामदेव राठोड, रामदास तेलंगे, विष्णू अंधारे, परमेश्वर भोसले, जयपाल चव्हाण, बालाजी धोत्रे, सोमेश्वर कांबळे, दत्ता कारलेवाड आणि पदाधिकाऱ्यासह कार्यकर्त्यांनी परिश्रम घेतले.