राज ठाकरे यांच्या वाढदिवसानिमित्त भव्य सर्व रोग निदान शिबिर संपन्न
उदगीर (एल.पी.उगीले) : महाराष्ट्र नवनिर्माण सेनेचे सर्वेसर्वा राज ठाकरे यांच्या वाढदिवसानिमित्त जिल्हाभर विविध सामाजिक उपक्रम राबविण्यात येत आहेत. त्याचाच एक भाग म्हणून उदगीर तालुक्यातील हाळी हंडरगुळी येथे सर्व रोग निदान शिबिराचे आयोजन करण्यात आले होते.शिबिराचे उद्घाटन जिल्हाध्यक्ष संजय राठोड यांच्या हस्ते करण्यात आले. या शिबिरात डॉ. अजय सोनटक्के, डॉ. राजेश राठोड, डॉ. प्रियंका राठोड यांच्यासह उदयगिरी नेत्र रुग्णालयातील तज्ञ डॉक्टर यांनी या शिबिरात रुग्ण तपासून आपली सेवा दिली.
या कार्यक्रमाच्या यशस्वीतेसाठी हाळी हंडरगुळी विभागाचे तालुका उपाध्यक्ष जब्बार तांबोळी, उदगीर विधानसभा सोशल मीडिया प्रमुख सतीश सूर्यवंशी, शाखाध्यक्ष मनोहर गुंडेवार सह शाखेतील सर्व पदाधिकाऱ्यांनी परिश्रम घेतले.याप्रसंगी गावचे सरपंच,उपसरपंच,बहुसंख्येने नागरीक उपस्थित होते. या शिबिरात 250 रुग्णाची तपासणी करण्यात आली.
About The Author
