आ. धिरज देशमुख यांच्या हस्ते नीट, कॅट परीक्षेतील गुणवंत विद्यार्थ्यांचा सत्कार

रेणापूर (प्रतिनिधी) : वैद्यकीय क्षेत्रात प्रवेशासाठी पात्र असलेल्या नीट परीक्षेत व कॅट परिक्षेत उत्तीर्ण झालेल्या रेणापूर तालुक्यातील गुणवंत विद्यार्थ्यांचा व पालकांचा सत्कार ग्रामीणचे आमदार धिरज विलासराव देशमुख हस्ते बुधवारी दि. २८ रोजी बाभळगाव येथे करण्यात आला. २०२३ मध्ये घेण्यात आलेल्या नीट परीक्षेत रेणापूर तालुक्यातील अविनाश शंकर चिते (कुंभारवाडी), वरद उमाकांत देशमुख (डिघोळ देशमुख), चैतन्य कोडीबा केंद्रे (फावडेवाडी) प्रथित सिद्धार्थ चव्हाण (रेणापूर ) व आयआयटी व आयआयएम अशितोष बाळासाहेब चिल्लरगे (तत्तापूर ) संगमेश्वर चिल्लरगे (तत्तापूर) येथील विद्यार्थी वैद्यकीय प्रवेशासाठी पात्र झाले आहेत. त्यांचा सत्कार लातूर ग्रामीण आमदार देशमुख यांच्या हस्ते सत्कार करून गुणवंत विद्यार्थ्यांना पुढील शैक्षणिक वाटचालीसाठी शुभेच्छा दिल्या. यावेळी लातूर जिल्हा मध्यवर्ती बँकेचे उपाध्यक्ष तथा कॉंग्रेसचे तालुकाध्यक्ष अॅड. प्रमोद जाधव, डॉ. उमाकांत देशमुख, कृउबाचे संचालक प्रमोद कापसे, अशोक राठोड, बाळासाहेब करमुडे आदी उपस्थित होते.