महात्मा फुले महाविद्यालयात वसंतराव नाईक जयंती साजरी

अहमदपूर, ( गोविंद काळे)
महाराष्ट्र राज्याचे माजी मुख्यमंत्री कृषीरत्न वसंतराव नाईक यांची जयंती येथील महात्मा फुले महाविद्यालयात मोठ्या उत्साहात साजरी करण्यात आली.
याबाबतचे सविस्तर वृत्त असे की, राष्ट्रीय सेवा योजना व सांस्कृतिक विभागाच्या वतीने आयोजित करण्यात आलेल्या कार्यक्रमाच्या अध्यक्षस्थानी महाराष्ट्रातील ख्यातनाम लेखक तथा महात्मा फुले महाविद्यालयाचे प्राचार्य डॉ. वसंत बिरादार पाटील हे होते. त्यांच्या हस्ते हरितक्रांतीचे जनक माजी मुख्यमंत्री स्व.वसंतराव नाईक यांच्या प्रतिमेचे पूजन करुन अभिवादन केले.
या कार्यक्रमाचे सूत्रसंचालन व प्रास्ताविक संयोजक डॉ. बब्रुवान मोरे यांनी केले. तर आभार प्रदर्शन राष्ट्रीय सेवा योजनेचे कार्यक्रम अधिकारी डॉ.पांडुरंग चिलगर यांनी केले. यावेळी डॉ. मारोती कसाब, डॉ. संतोष पाटील, प्रा. प्रकाश गायकवाड, कार्यालयीन प्रमुख प्रशांत डोंगळीकर, शिवाजी चोपडे, चंद्रकांत शिंपी यांच्यासह महाविद्यालयातील सर्व प्राध्यापक, कर्मचारी व विद्यार्थी उपस्थित होते.